Arbeidsgjevarrådet

Arbeidsgjevarrådet skal bidra til å styrke rolla til verksemdene og ansvaret verksemdene har for å utvikle og gjennomføre den statlege arbeidsgivarpolitikken.

Arbeidsgjevarrådet skal gi Digitaliserings- og forvaltningsdepartementet betre informasjon og meir kunnskap om verksemdene. Rådet skal fremje interessa til verksemdene, styrke gjennomføringa av arbeidsgjevarpolitikken i staten, og gi råd til departementet.

Samansetjing av Arbeidsgjevarrådet

Leiar i rådet, nestleiar og medlemmene vert valde av Digitaliserings- og forvaltningsdepartementet (DFD).

Rådet er satt saman av 16 statlege verksemdsleiarar. Samansetjinga av rådet skal spegle mangfaldet av statlege verksemder.

Desse er med i rådet

Leder: Seunn Smith-Tønnessen, UiA
Nestleder Øystein Børmer, Tolletaten
Tomas Berg, Statens pensjonskasse
Thomas Laurendz Bornø, Husleietvistutvalget
Hege Nilssen, Barne-, ungdoms- og familiedirektoratet (Bufdir)
Thorbjørn Thoresen, Forsvarsbygg
Bjørn Guldvog, Helsedirektoratet
Christine Wilberg, Sekretariatet for konfliktrådene
Hanna Geiran, Riksantikvaren
Gina Lund, Statsforvalteren i Agder
Mari Velsand, Medietilsynet
Anne Marie Glosli, Landbruks- og matdepartementet
Anneline Vingsgård, Klagenemndssekretariatet
Kjetil Lund, NVE
Knut Sletta, Jernbanedirektoratet
Jan Olav Baarøy, Norec

Sekretariatet til Arbeidsgjevarrådet ligg i DFØ. Har du saker du ønskjer rådet skal få vete om, kan du kontakte sekretariatet:

Seniorrådgiver Marianne Jørgensen
E-post: marianne.jorgensen@dfo.no

Oppgåvene til Arbeidsgjevrrådet

Aktivt bidra til å utvikle den statlege arbeidsjevarpolitikken
Auke kunnskapsgrunnlaget hjå den sentrale arbeidsgjevarfunksjonen
Drøfte viktige problemstillingar rundt korleis arbeidsgjevarrolla skal utøvast i staten og gi samordna tilbakemeldingar
Gi tilbakemeldingar på rolla til DFD som sentral statleg arbeidsgjvarfunksjon, på rolla til DFØ og rolla til dei lokale arbeidsgjevarane i staten
Fremje interessene til verksemdene på eige initiativ ovanfor Digitaliserings- og forvaltningsdepartementet.
Arbeidsgjevarrådet skal ikkje vere sakshandsamings- eller klageorgan for verksemdene, men rådet kan orienterast om saker av prinsipiell eller overordna karakter.

Slik jobbar Arbeidsgjevarrådet

Rådet har valt møter som si arbeidsform. Det vert ført referat frå møta. Arbeidsgjevarrådet har møte minimum fire gonger i året.

Rådet er underlagt forvaltningslova, offentleglova og arkivlova. Eventuell usemje i rådet skal kome fram i referat, og ulike syn skal verte formidla til Digitaliserings- og forvaltningsdepartementet.

Digitaliserings- og forvaltningsdepartementet skal orientere rådet om aktuelle saker, og sende rådet saker som gir høve til reell innverknad.

Arbeidsgjevarrådet skal, når det er naudsynt, involvere og halde statlege verksemder orientert om arbeidet.