Regjeringa har lansert ny lærlingstrategi for perioden 2026–2029. Målet med strategien er å styrke rekruttering av fagarbeidarar, bidra til mangfald i lærlingordninga og sikre fleire lære- og praksisplassar i statlege verksemder.
Statistisk sentralbyrå har rekna på at Noreg kan mangle opp mot 85 000 fagarbeidarar i 2035. Den nye strategien tek sikte på å møte behovet for praktisk kompetanse i eit berekraftig velferdssamfunn gjennom å sikre fleire fagarbeidarar.
Tre innsatsområde skal løfte lærlingarbeidet
Strategien peiker på tre hovudområde som statlege verksemder skal jobbe med:
- Mangfald og inkludering i rekrutteringa gjennom buddyordninga og lærekandidatordning
- Fleire praksisplassar i verksemdene og tettare samarbeid med vidaregåande skolar
- Utvida lærefagportefølje gjennom kartlegging av nye fag og samarbeid mellom verksemder
Hovudmålet med strategien er at statlege verksemder samla sett skal ha ei positiv utvikling i talet på lærlingar.
Trym gikk frå lærling til tilsett i Lotteritilsynet
Publisert: 23. juni 2026