Les om kva det vil seie å ha ein lærling i service- og administrasjon, oppgåver som passer og kor i verksemda lærlingen kan jobbe.
Service- og administrasjonsfaget handlar om korleis drift, styring og utvikling av ei verksemd fungerer.
Det handlar òg om korleis ein kan utvikle og støtte verksemda med å nå måla sine, og korleis ein kan møte brukarane på best mogleg måte, både digitalt og fysisk.
Oppgåver til lærlingen
Lærlingar i service- og administrasjonsfaget skal få erfaring med å delta i oppgåver som å:
- arkivere ulike typar saksdokument som kontraktar og avtalar
- koordinere seminar for interne og eksterne
- behandle og koordinere dei ulike dokumenta i ein rekrutteringsprosess
- fordele e-post
- gi leiarstøtte
- ta imot brukarar i resepsjon, om de har ein
Prosessar kring medverking er sentralt i faget, så lærlingen kan delta på vernerundar og AMU-møte, og kjøpe inn rekvisita og attestere fakturaer. Med andre ord må dei òg få opplæring i systema som verksemda bruker.
Lovverk og rutinar, som offentleglova, arbeidsmiljølova og internkontrollforskrifta, skal bli ivaretekne under arbeidet, og lærlingen skal få moglegheit til å foreslå korleis ein kan forbetre effektiviteten og kvaliteten i prosessane som finst i verksemda.
Kva avdeling kan lærlingen jobbe i?
Det er vanleg at lærlingar i service- og administrasjonsfaget er tilsett i ei avdeling i løpet av læretida, men at dei i periodar jobbar i ulike avdelingar for å få erfaring med ulike system og oppgåver.
Dei vanlegaste avdelingane er HR-avdelinga, arkivet og kommunikasjonsavdelinga.
Nokre lærlingar jobbar berre i ei avdeling som kan tilby nok relevante oppgåver gjennom heile læretida.
Ein superhjelpar i verksemnda
Ein lærling i service- og administrasjonsfaget er særskilt nyttig for ei HR-avdeling sidan dei jobbar med organisasjons- og kompetanseutvikling.
Å lære opp ein lærling vil vere kompetanseutviklande for ei heil avdeling og verksemd, men er kanskje særskilt kompetansehevande for dei som gir opplæringa.
Desse får trening i å forklare og grunngi eigne oppgåver og vurderingar, men også i det å lære bort.
Med ein lærling i dette faget får de ein superhjelpar som støtter dykk i hektiske periodar.
Intern opplæringsplan
Alle fag har ein eigen læreplan. Me har laga eit døme som du kan bruke når du skal lage ein intern opplæringsplan for lærlingen i verksemda di.
Støtte frå OK stat
Opplæringskontoret OK stat støtter statlege verksemder i å rekruttere lærlinger og følge dei opp.